DIGITALIA PLINIANA
Excerptae [en construcción]:
Edición crítica digital anotada preferentemente a partir de la ed. de AA.VV., Pline l'Ancien. Histoire Naturelle, “Les Belles Lettres” (Paris 1947-2017), con enlace a la ed. de C. Mayhoff (Leipzig: Teubner, 1906). Otras ediciones que citamos son las de Rackham, Jones & Eichholz (London: Loeb Classical Library 1971) y Konïg-Winkler (Düsseldorf/Zürich: Tusculum-Büchrerei 2002).
I. De Gadibus rebusque Gaditanis:
1. NH 2, 167-168: A Gadibus columnisque Herculis Hispaniae et Galliarum circuitu totus hodie nauigatur occidens. [...] Alio latere Gadium ab eodem occidente magna pars meridiani sinus ambitu Mauretaniae nauigatur hodie.
________ Mayhoff (1906) / Beaujeu (1951)
2. NH 2, 219: Gadibus qui est delubro Herculis proximus fons, inclusus ad putei modum, alias simul cum oceano augetur minuiturque, alias utrumque contrariis temporibus; eodem in loco alter oceani motibus consentit.
________ Beaujeu (1951) Mayhoff (1906) /
3. NH 2, 227: Nam dulcis haustus in mari plurimis locis, ut ad Chelidonias insulas et Aradum et in Gaditano oceano [cf. 2, 219].
________
Beaujeu (1951) Mayhoff (1906) /
4. NH 2, 242: Pars nostra terrarum, de qua memoro, ambienti, ut dictum est, oceano uelut innatans longissime ab ortu ad occasum patet, hoc est ab India ad Herculis columnas Gadibus sacratas...
________ Beaujeu (1951) Mayhoff (1906) /
5. NH 3, 3-5: [3] Terrarum orbis universus in tres dividitur partes, Europam, Asiam, Africam. origo ab occasu solis et Gaditano freto, qua inrumpens oceanus Atlanticus in maria interiora diffunditur. hinc intranti dextera Africa est, laeva Europa, inter has Asia. termini amnes Tanais et Nilus. XV p. in longitudinem quas diximus fauces oceani patent, V in latitudinem, a vico Mellaria Hispaniae ad promunturium Africae Album, auctore Turranio Gracile iuxta genito. [4] T. Livius ac Nepos Cornelius latitudinis tradiderunt minus VII p., ubi vero plurumum, X: tam modico ore tam inmensa aequorum vastitas panditur. nec profunda altitudo miraculum minuit. frequentes quippe taeniae candicantis vadi carinas territant. qua de causa limen interni maris multi eum locum appellavere. proximis autem faucibus utrimque inpositi montes coercent claustra, Abila Africae, Europae Calpe, laborum Herculis metae, quam ob causam indigenae columnas eius dei vocant creduntque perfossas exclusa antea admisisse maria et rerum naturae mutasse faciem. [5] Primum ergo de Europa, altrice victoris omnium gentium populi longeque terrarum pulcherrima, quam plerique merito non tertiam portionem fecere, verum aequam, in duas partes ab amne Tanai ad Gaditanum fretum universo orbe diviso.
_____________
Zehnacker (2004) Mayhoff (1906) /
6. NH 3, 7: Ex his digna memoratu aut Latio* sermone dictu* facilia, a flumine Ana litore oceani oppidum Ossonoba*, Aestuaria* cognominatum, inter confluentes* Luxiam et Vrium*, Hareni* montes, Baetis fluuius, litus Curense* inflexo sinu, cuius ex aduerso Gades* inter insulas dicendae*, promunturium Iunonis, portus* Baesippo*, oppidum* Baelo, Mellaria*, fretum ex Atlantico mari, Carteia, Tartesos* a Graecis dicta, mons Calpe.
____________
Sol. 23, 8. (MCap. VI 627). Mela II 88, MCap. VI 630. — (233, 1-3) Mela II 96.
_____________
Zehnacker (2004): latio (ante sermone) DFRE2 al : -to Ad -tiore E2) / dictu codd. : -to R / ossonoba DFEad : oso- R1 osso noua A ossanaba l onubia R2 / aesturia DF1Rad : -uria E asturia F2l asturiae AE2) / confluentes R2 ut uid. Detl. : fl- codd. : fluens l / luxiam codd. : -xia l / et urium ARE2l : atu-DFE1a matu- d / hareni ADF1Ead : -nei R2. hare//n R1 uareni F2 areni l / montes ADFR2ad : -tis R1El / curense AE1 : curenense DFR1al currense d currens R2 / Gades correxi : gades Caesarius (1524) : Gadis Mayhoff Rackham Zehnacker / dicendae u Rackham : dicenda A Mayhoff Zehnacker : -das codd. / portus codd. : portum Ea / baesippo R2 : uaes- A ues- codd. / oppidum codd. : om. d1 / mellaria codd. : mela- l / tartesos DRE1adl : -sus E2 cartesos F cartesus A / calpe codd. : sca- Ea. Mayhoff (1906) //
7. NH 3, 74: Et includitur Europae sinus primus. in eo maria nuncupantur: unde inrumpit, Atlanticum, ab aliis Magnum; qua intrat, Porthmos a Graecis, a nobis Gaditanum fretum; cum intravit, Hispanum quatenus Hispanias adluit, ab aliis Hibericum aut Baliaricum;
_____________
Zehnacker (2004) Mayhoff (1906) /
8. NH 4, 119-120: [119] Ex aduerso Celtiberiae conplures sunt insulae, Cassiterides dictae Graecis a fertilitate plumbi, et e regione Arrotrebarum promunturi Deorum VI, quas aliqui Fortunatas appellauere. In ipso vero capite Baeticae ab ostio freti p. XXV Gades*: longa, ut Polybius scribit, XII, lata III, abest a continente proxima parte minus pedes DCC, reliqua plus VII. Ipsius spatium XV est. Habet oppidum ciuium Romanorum, qui appellantur Augustani Vrbe Iulia Gaditana. [120] Ab eo latere quo Hispaniam spectat, passibus fere C altera insula est, longa M passus, M lata, in qua prius oppidum Gadium fuit. Vocatur ab Ephoro et Philistide Erythea, a Timaeo et Sileno Aphrodisias, ab indigenis Iunonis. Maiorem Timaeus Cotinusam aput eos vocitatam ait; nostri Tarteson appellant, Poeni Gadir, ita Punica lingua saepem significante. Erythea dicta est, quoniam Tyri aborigines earum orti ab Erythro mari ferebantur. in hac Geryones habitasse a quibusdam existimatur, cuius armenta Hercules abduxerit. Sunt qui aliam esse eam et contra Lusitaniam arbitrentur, eodemque nomine quandam ibi appellant.
_____________
Zehnacker-Silberman (2017) // <C>otinusam aput e<o>s Mayhoff : Potimusa a puteis Rackham (1971) : Cotinusa ab oleis Konïg-Winkler (2002) : Potinusam a puteis Zehnacker-Silberman (2017) Gades correxi : Gadis Mayhoff (1906) /
9. NH 5, 76: Gadibus extra orbem conditis.
_____________Mayhoff (1906)
10. NH 6, 211-215: plura sunt autem segmenta mundi, quae nostri circulos appellavere, Graeci parallelos. [212] Principium habet Indiae pars versa ad austrum. patet usque Arabiam et Rubri maris accolas. [...] [213] Sequens circulus incipit ab India vergente ad occasum, vadit per medios Parthos, Persepolim [...] septentrionalia Africae et Numidiae [...] [214] Tertius circulus ab Indis Imavo proximis oritur. tendit per Caspias Portas, [...] Siliciam mediam, Sardiniae austrina, Carteiam, Gadis. [...] [215] Quarto subiacent circulo quae sunt ab altero latere Imavi, Cappadociae austrina, Galatia, Mysia, [...] Hispaniae maritima a Carthagine Nova et inde ad occasum.
_____________Mayhoff (1906)
11. NH 7, 136: fuit et Balbus Cornelius maior consul, sed accusatus atque de iure virgarum in eum iudice in consilium miss<o>, primus externorum atque etiam in oceano genitorum usus illo honore, quem maiores Latio quoque negaverint.
_____________Mayhoff (1906) / Schilling (1977)
12. NH 7, 154 y 156: Anacreon poeta Arganthonio Tartesiorum regi CL tribuit annos [...]. sed ut ad confessa transeamus, Arganthonium Gaditanum LXXX annis regnasse prope certum est; putant quadragensimo coepisse.
_____________
13. NH 9, 8: Maximum animal in Indico mari pristis et ballaena est, in Gallico oceano physeter, ingentis columnae modo se attollens altiorque navium velis diluviem quandam eructans, in Gaditano oceano arbor, in tantum vastis dispansa ramis, ut ex ea causa fretum numquam intrasse credatur. apparent et rotae appellatae a similitudine, quaternis distinctae h<a>e radiis, modiolos earum oculis duobus utrimque claudentibus.
_____________Mayhoff (1906) / Saint-Denis (1955)
14. NH 9, 10: auctores habeo in equestri ordine splendentes, visum ab iis <in> Gaditano oceano marinum hominem toto corpore absoluta similitudine; ascendere <e>um navigia nocturnis temporibus statimque degravari quas insederit partes et, si diutius permaneat, etiam mergi.
_____________Mayhoff (1906) / Saint-Denis (1955)
15. NH 9, 11: Turranius prodidit expulsam beluam in Gaditana litora, cuius inter duas p<i>nnas ultimae caudae cubita sedecim fuissent, dentes eiusdem CXX, maximi dodrantium mensura, minimi semipedum.
_____________Mayhoff (1906) / Saint-Denis (1955)
16. NH 9, 12: Ballaenae et in nostra maria penetrant. in Gaditano oceano non ante brumam conspici eas tradunt, c<o>ndi autem statis temporibus in quodam sinu placido et capaci, mire gaudentes ibi parere.
_____________Mayhoff (1906) / Saint-Denis (1955)
17. NH 9, 68: Est et haec natura, ut alii alibi pisces principatum optineant, coracinus in Aegypto, z<a>eus, idem faber appellatus, Gadibus.
_____________Mayhoff (1906) / Saint-Denis (1955)
18. NH 19, 4: herba<m> esse quae Gadis ab Herculis columnis septimo die Ostiam adferat et citeriorem Hispaniam quarto, [...]?
_____________Mayhoff (1906) / André (1964)
19. NH 19, 63: exemplo est arbor malvae in Mauretania Lixi oppidi aestuario, ubi Hesperidum horti fuisse produntur, CC passibus ab oceano iuxta delubrum Herculis antiquius Gaditano, ut ferunt.
_____________Mayhoff (1906) / André (1964)
No hay comentarios:
Publicar un comentario